«М.Жұмабаев атындағы №39 гимназия» КММ және Қалалық білім бөлімімен бірге Қарағанды қаласының "Қарағанды-85жылдық" мерейтойына орай,"Жастар жылының" жабылу, "Еріктілер жылының" тұсаукесері бағытында оқушыларды "Жас Ұлан" ұйымына қабылдау салтанатты кеші өтті. Салтанатты кешімізге құрметті қонақ ретінде қалалық мәслихаттың хатшысы Құдайберген Бексұлтанұлы Бексұлтанов келіп, оқушыларды құттықтап, жылы лебізін білдірді. 

Биылғы жылдың тағы бір басты оқиғасы ол "Жастар жылының" өтуі болды. Жыл аясында үкілеген мектеп жастары игілікті істер атқарды. Атқарылған игілікті істері үшін, Қарағанды қаласының Жасұландарын ұйымның бағыттары бойынша "Мәңгілік ел Ұландары" сыйлығымен марапаттау рәсімі болды.

Сонымен қатар, Еліміздің "Жастар жылын" жабу рәсімінде Президент Қасым-Жомарт Кемелұлы Тоқаев келесі 2020 жылды "Еріктілер жылы" деп жариялаған болатын. Осыған орай Мағжан атындағы гимназия жастары Еріктілікті үш бағытқа: ҚАЙЫРЫМДЫЛЫҚ, САУАТТЫЛЫҚ, ЭКОЛОГИЯЛЫҚҚА бөлді. Мектеп жастары арасында "Еріктілер жылының" тұсауы кесілді.

Еріктілер келесі жылды шексіз ерен еңбектерімен көмкереді деп ойлаймыз!Барлықтарыңызды қамқорлыққа толы болар ВОЛОНТЕРЛАР жылымен құттықтаймыз!