Өскелең ұрпаққа Тәуелсіздігіміздің қадір-қасиетін терең ұғынуға,өткен тарихымызға құрметпен қарауға,бабаларымыз аңсаған тәуелсіздікті бағалауға тәрбиелеу мақсатында ұйымдастырылған қаламыздағы облыстық бейнелеу өнері мұражайына "Тәуелсіздік -тұғырың" тақырыбындағы көрме-сабаққа 6 "Б" сынып оқушылары қатысып қайтты.

Қазақ даласы аумағында ғасырлар бойғы халқымыздың тағдыры, қиын жылдары, Тәуелсіздік жолындағы ерлік күресі мен елінің азаттығын , еркіндігін аңсаған ұлт зиялыларына тоқталып, экранда слайд-шоу көрсетіліп тұрды. Тәуелсіз Қазақстанның 28 жыл ішіндегі қол жеткен жетістіктерімен таныстырылды.Сабақ барысында оқушылар сұрақтарға жауап бере отырып, құрбандықпен қол жеткен тәуелсіздігімізді құрметтеп, қастерлеу керектігін және еліміздің келешегі үшін аянбай еңбек ететіндерін айта келе мұражай қызметкерлеріне алғыстарын білдірді.