Қарағанды қаласы білім бөлімі мен М.Жұмабаев атындағы №39 гимназияның ұйымдастыруымен қала мектептері мен балабақшалар арасында Мэйкатон—2019 қалалық STEM-зертханалық жобалар фестивалі болды.

Фестиваль оқушыларға заманауи технологияларды зерттеуге, жаратылыстану ғылымдары мен робототехникаға деген қызығушылығын арттыруға, STEM білім беру негізінде жаратылыстану ғылымдары және техника саласындағы мамандықты таңдауға, оқушыларды ынталандыру мақсатында өтті.

Фестиваль бағдарламасында бала-бақшалардың, мектептердің жаңашыл білім беру технологиялары бойынша көрмесі, арнайы алаңдардағы көрме, қатысушылардың презентациялары, мұғалімдер, білім беру ұйымдарының басшылары, оқушыларға арналған шеберлік сыныптары ұйымдастырылды. Фестиваль жеңімпаздары Қарағанды қаласы білім бөлімінің  арнайы дипломдармен, қатысушылар сертификаттармен марапатталды.