Еліміздің мәртебесін көтеріп жүрген абыройлы азаматтардың жаңа қырларын жас буын өкілдеріне таныстыру, олар игерген мамандық түрлерін біліп, өз бетінше ой қалыптастырып, жаңа өмірге бағыт-бағдар беру мақсатында гимназияның бастауыш сынып кафедрасы қолға алған «Шамшырақ» жобасы негізінде өз ісінің білікті маманы бола білген, ұлағатты ұстаз Бейсямбекова Тұрсын Мұстафақызымен кездесу ұйымдастырылды. Кездесуге гимназиямыздың жас мамандары, мектепішілік «Мектеп тынысы» газетінің меншікті тілшілері және Тұрсын Мұстафақызымен қызметтес болған ұстаздар қатысты. Тұрсын Мұстафақызы өзінің ұстаздық өмір жолындағы қызықты сәттерімен, ақыл-кеңестерімен бөлісті. Қатысқан оқушылар мен жас мамандар үшін тағылымы мол, үлгі-өнегеге толы маңызды кездесу күні болды.