Бүгін "Достық" үйінде Қарағанды облысы білім басқармасының ұйымдастыруымен «АР ЖОЛЫНДАҒЫ ҚЫМБАТ» атты Қымбат Әбілдақызының 60 жылдық мерейтойына арналған кеш өтті. Кеште гимназиямыздың бастауыш сынып оқушылары Қымбат апайдың өлеңдерін жатқа оқып, «Шолпан» би ансамблі биден шашу шашты.
Балалар әдебиеті саласына еңбегі сіңген, «Айгөлек» журналының бас редакторы, балалар тәрбиесінің бағдаршамы бола білген Қымбат Әбілдақызына арналған мағыналы мазмұнды, берер тағлымы мол өте керемет кеш болды. Мерейтойыңыз құтты болсын, Қымбат апай!