«Өнегелі өмір» жобасы аясында Қарағанды қаласының Сәкен Сейфуллин атындағы қазақ драма театрының актеры, әртісі Қазақстанның Еңбек сіңірген қайраткері, Мәдениет қайраткері Қайрат Кемалұлымен кездесу болып өтті.
Мақсаты: табысқа жету тарихына мән беру арқылы ұлтымыздың алтын қорына енуге лайықты жерлестерімізді көпшілікке таныту. Жетістік пен табысқа жеткен тұлғалардың іс-тәжірибесімен, бейнесімен танысу арқылы жас ұрпаққа патриоттық тәрбие беру, оқушыларды өмірге дайындау, өз күштеріне сенімді, еркін болуға үйрету және қоғамда, өмірде өз орындарын таба білуге баулу және кәсіби бағдар беру болды.
Кездесуге қамқоршылық кеңес мүшелері, ата-аналар, ұстаздар мен оқушылар қатысты. Кездесу барысында оқушылар қызықты сұрақтар қойып, мағыналы-мәнді жауаптар естіді. Сұхбат соңында Қайрат Кемалұлы Мұхтар Шахановтың «Арман» өлеңін оқып, оқушыларды поэзияға тәнтті етті. Бірнеше буынның жүрегінен орын алған сахналық бейнесі, кинода сомдаған образы оқушыларымыздың бойына өнер қабілеттерін шыңдауға үлес қосқаны хақ.
«Дара тұлғаның, дара жолы осы екен-ау» деген ой түйді жұрт.
#Өнегелі_өмір_жобасы
#5_А_сыныбы