Гимназиямызда «Латын графикасы: тез әрі оңай үйренейік» тақырыбында семинар ұйымдастырылды. Семинарға гимназияның пән мұғалімдері қатысты. Семинар модераторы: «Өрлеу» БАҰО» АҚ филиалы Қарағанды облысы бойынша ПҚ БАИ аға оқытушысы Айткенова М.Б. Семинар барысында қатысушылар тілдің тек қана қарым-қатынас құралы ғана емес, мемлекетті, ұлтты танытушы негізгі әрі басты құндылықтардың бірі екендігіне ассоциограмма жасау арқылы қызу талдау жасады. Одан кейін латын графикасын тез үйрену мақсатында топтар өзара шығармашылық жұмыс дайындап, қорғады, аса маңызды деген емле ережелеріне арналған жаттығу жұмыстарын орындады. Семинар соңында Ахмет Байтұрсынов атындағы Тіл білімі институты директорының орынбасары, ф.ғ.к. Анар Фазылжанның «Латынша оқы, латынша жаз!» деген айдармен дайындаған рухани орталықтың бейнесабақтар топтамасының 1-сабағы тыңдалды. Семинарға қатысушылар ризашылық білдіріп, тақырыптың маңыздылығын, қажеттілігін атап өтті.