М.Жұмабаев атындағы №39 гимназия қабырғасында Білім және ғылым министрлігі Балалардың құқықтарын қорғау комитетінің бастамасымен 29 қазан - Қамқоршылар күні мерекесі аталып өтті. Аталған мереке - жетім балалар мен ата-анасының қамқорлығынсыз қалған балаларды тәрбилеп жатқан қамқоршыларды, өзгенің қайғысына, өзгенің баласына бей-жай қарамайтын азаматтарды қолдау, отбасыларына бала алуға тілек білдіретін азаматтардың  санын арттыру мақсатында директордың тәрбие ісінің орынбасарлары: Таттимбетова У.К.,Ибрайбекова А.Н., әлеуметтік педагог Тусупбекова З.А., тәлімгер Бауыржанова А.Б.,сынып жетекші Дошакова Ж.Б және Қамқоршылық Кеңес мүшелерінің қатысуымен «Отбасы бақыты» атты дөңгелек үстел ұйымдастырды. Дөңгелек үстел адами құндылықтарды өз бойымызға сіңіру , адами қасиетімізді, жоғалтпай ,адамгершілігімізді жоғары ұстау, оқушылардың санасына мейірімділік, қайырымдылық ұғымдарын қалыптастыру, оқушыларды кішіпейілділікке, бауырмалдыққа баулу, алақан жылуын, мейірімділікті аңсаған әрбір жанның жүрегіне жылылық ұялатып, бақыт сыйлау мақсатында өтті. Мерекелік іс- шараға гимназиямыздың ұстазы Жумадилова Каршыға Болатовна  шақырылып, батыл қадам жасап, бала тәрбиесіне үлкен үлес қосып , балаға деген жүрек жылуын бөлісуге атсалысып, ыстық ықыласыңыз бен аялы алақаныңызды созып,  адамдық мейірімділік пен жомарттық танытқаны үшін директорының  алғыс хатымен марапатталды.
#мейірімді_жандар_көп_болсын