Қарағанды қ. білім бөлімінің білім беру ұйымдары - Мағжан Жұмабаев атындағы гимназиясы - "Әсемдік әлемінің құдіреті" атты эстетикалық бағыт мұғалімдерінің арасында қалалық байқау өткізілді.

Басқа
Мағжан Жұмабаев атындағы гимназиясы

Қазақ тілін үйренеміз

"Әсемдік әлемінің құдіреті" атты эстетикалық бағыт мұғалімдерінің арасында қалалық байқау өткізілді.

21.10.2019 | Мағжан Жұмабаев атындағы гимназиясы

2019 жылғы 19 қазан күні М.Жұмабаев атындағы №39 гимназиясында "Рухани жаңғыру" бағдарламасы аясында "Әсемдік әлемінің құдіреті" атты эстетикалық бағыт мұғалімдерінің арасында қалалық байқау өткізілді.

Байқаудың мақсаты:

Эстетикалық бағыт мұғалімдерінің кәсіби шеберлігінің өсуіне ықпал ету, беделін арттыру;
Мұғалімдердің шығармашылық жағынан өзін-өзі көрсету және педагогикалық қарым-қатынас шекараларын кеңейту;
Эстетикалық бағыт пәндерінің оқыту сапасын көтеру.

Кәсіби шеберлік байқауында кескіндеме, графика және сәндік-қолданбалы өнер номинациялары бойынша жұмыстары ұсынылды. Жыл сайын конкурсқа қатысушылардың саны артып келеді, ал мұғалімдердің шығармашылық жұмыстары жоғары, кәсіби деңгейде ұсынылған.

Әрбір жұмыс - туған өлкеге, оның тарихына, салт-дәстүріне деген сүйіспеншілік пен құрмет сезіміне толы. Гимназия залы мұғалім-шеберлердің шығармашылық жұмыстары мен халық шығармашылығы біріктірілген тамаша мұражайға айналды.

Әсерлі байқауымыздың қорытынды кешінде мұғалім-шеберлердің жұмыстары бағаланып, өз деңгейінде марапатталды. Іс-шара гимназия мұғалімдері мен оқушыларының дайындаған концерттік бағдарламасымен аяқталды.