Қазан айының 4-і күні «Ұстаздар – ұлы тұлғалар» атты ұстаздар күніне арналған мерекелік кеш өтті. Кешке мектепте көптеген жылдар бойы қызмет жасап, аталмыш мектеп іргесінен зейнетке шыққан  қадірлі де ұлағатты қарт  ұстаздар шақырылды. Келешектің иесі - жас ұрпақты тәрбиелеудегі қиын да қызықты, ізгі де адал  еңбектерінің жемісін жиып осы күні құрметті демалыста отырған ұлағатты ұстаздарменен мерекелік кеш өте әсерлі өтті.  Оқушылардың өнері ұстаздар жүрегіне  шынайы мейірімділік  пен жылылық отын жаға білді. Білім көшін жылжытып келе жатқан ұстаздар қауымына құрмет арта бермек! Мерейлі мерекеде дендеріңізге саулық, отбасыларыңызға амандық, істеріңізге сəттілік тілейміз!