1-9 қазан аралығында гимназиямызда «Эко сағат» акциясы бойынша іс-шаралар апталығы өтуде. Шараның басты мақсаты – өсіп келе жатқан ұрпақты табиғи ресурстарға ұқыпты қарауға тарту және табиғи ресурстарына қатысты экологиялық тұрғыдан саналылықты тәрбиелеу. Апталық аясында 1-4 сыныптар арасында «Табиғат,Табиғат - Ана» және 5-6 сыныптарда «Экологиялық тәрбие» атты өнеге сағаттары өткізілді. 7-8 сыныптарда «Қазақстан және экология» бейне көрсетілімдер байқауы өткізіліп, нәтижесінде: 8 "а" сыныбының көрсетілімі 1- орынды, 2 - орынды 7 "ә" сыныбы, 3 – орынды  8 "б" сыныбы иеленді. Сонымен қатар «Экология және біз» атты пікірталас сайысын Ж.Р.Ильяшованың жетекшілігімен 7 «б» сыныбы өткізді. 1-10 сыныптар арасында тек геран гүлінен «100 – гүл акциясы» өткізілеуде және 10 қазанға дейін жалғасын табуда. Қазіргі таңда 65 гүл әкелінген. 

       Аталмыш акция аясында 3 қазан күні 1-4 сыныптың ата-аналарының және қамқоршылық кеңестің ұйымдастырумен 16 шырша, 8 ақ қайың, 16 қара ағаш отырғызылып, «Бастауыштар алеясы» ашылды.