8-наурыз Аналар күніне арналған «Ана есімін біздер биік ұстаймыз» мерекелік кеш

   Ағылшын пәнінің мұғалімі  А.Қ. Монтаева 10 «А» сыныбымен 8-наурыз Аналар күніне арнап  «Ана есімін біздер биік ұстаймыз» мерекелік кеш өткізді. Оқушы бойында әлемдегі асыл ананы сыйлауға, адамгершілік сезімін ұялатуға, ананың махаббатын аялауға, ана мейрамын бағалауға тәрбиелеу мақсатында оқушыларымыз  бойларындағы өнерлерін ортаға салды.

    Аналарға арнап өлең-жырларын оқып,ұстаздарымызда әсем әндерін шырқады. Қасым оқуларының жүлдегері Ернат Бейсенбин М.Мақатаевтың «Жоқ, дәрігер» өлеңін оқып, барша көрерменнің жүрегін тебірентті. Қасымова Алуа мен Қиясова Аиданың орындауларында «Ал,құрбым» әні шырқалса, Рамазан Қазбектің орындауында «Арман-ай» әні шырқалып, кештің жалғасын тапты. Гимназиямызда әлемге аты әйгілі болған «Шолпан» би ансамблі де әсем билерімен шашу шашты. Қалалық Мағжан оқуларының ІІІ орын иегері Есниязов Нұржан  мен М.Мақатаев, О.Бокеев оқуларының ІІІ орын иегері Қазбек Мейірғазы оқушыларымыз да М. Шахановтың «Тек құштарлық болғанда...» атты өлеңін көрермен көңілін тебіренте оқыды.

   Гимназиямыздың 9 сынып оқушыларынан құрылған  КВН –шы ұлдарымыз да қыздарға арнап қалжыңы араласқан үзінділерден көріністер тарту етіп, қыздардың нәзік көңілдерін көтеріп тастады.

     Құттықтаймын мейрамыңмен аналар,

     Әр күлгенің бізге бақыт саналар.

     Еңбегіңді еш етпейтін өмірде,

     Елің, жұртың, ұл мен қызың бағалар-деп әр кафедра ұстаздарына арнап оқушыларымыз ән, жыр, билерімен  әсем кештерін аяқтап, ұстаздарға мереке күніне әсем, де көңілді күн сыйлады.