Жүсіпбек Аймауытовтың 130 жылдық мерейтойына орай 10 "Б" сынып оқушыларымен қазақ тілі мен әдебиет пәнінің мұғалімі Альжанова Мөлдір Жақсыбайқызы "Сегіз қырлы, бір сырлы, дара дарын иесі" атты ашық танымдық сабағын өткізді. Алаш арыстарының бірі, қазақ  әдебиетінің жанр жағынан дамытудағы еңбегі зор ақын, прозашы, публицист, сыншы, театр режиссеры, аудармашы педагог, бір өзі әдебиет пен ғылымның әр саласында еңбек еткен, қазақ әдебиетін проза, драматургия жанры жағынан қалыптастыруды және мектептер мен оқу орындарының оқушыларына арнап бірнеше оқу құралдарын жазуға қатысқан, 60 жыл бойы оқушы назарынан тасада қалып келген сан қырлы жазушының бейнесін сабақтың өн бойында оқушылар мықты талдап көрсетті. Әртүрлі әдіс-тәсілдер арқылы сабақтың мақсатын аша түсті. Жүсіпбекке халық атынан хат жазу тапсырмасында Алаш арыстарына деген құрметтерін, қазіргі қоғамдағы адам құқығы жайлы ойларын жеткізді. Ғасырда бір туатын ақынға деген таңданыстары мен сағыныштарын жеткізді. Жүсіпбек Аймауытов тарихтан өз бағасын алды ма деген проблемалық сұраққа да оқушылардың жауабы тұшымды болды.Өздері үшін екі-үш күндік іздену аздық ететінін, әлі де зерттеуді қажет ететінін, өнерінен бөлек өмірінің өзінде нақты мәліметтердің жеткіліксіз екенін атап көрсетті.Оқушылар сабаққа аса қызығушылықпен қатысып, үй тапсырмасында берілген Жүсіпбекке қазірге дейін жасалған жұмыстар төңірегіндегі мазмұнды презентацияларын қорғады.