Гимназияның 11–сынып  оқушылары Қазақстан Республикасының Ішкі істер министрлігінің Бәрімбек Бейсенов атындағы Қарағанды академиясының оқытушыларымен және 4 курс студенттерімен кездесу өткізді. Мақсаты: мамандық туралы түсінік беру, оқушыларға қолдау көрсету, әскери мамандық таңдаудың қыр-сырын меңгерту.

Академияда оқуға үміткерлер денсаулығы бойынша әскери қызметке және оқуға жарамды, ішкі істер органдарының қызметкерлеріне қойылатын талаптарға сәйкес келетін, жалпы орта, бастапқы кәсіптік, орта кәсіптік, жоғары кәсіптік білімі бар 25 жасқа дейінгі Қазақстан Республикасының азаматтары қатарынан іріктеледі.  Талапкерлерді медициналық, физикалық және психофизиологиялық көрсеткіштері бойынша және  ұлттық бірыңғай тестілеудің  (ҰБТ) нәтижелері бойынша берілген мемлекеттік сертификаттың 60 балдан кем емес балына сәйкес іріктеу жұмыстары өткен оқушы түседі. Таңдау пәні дүние жүзі тарихы және Адам. Қоғам. Құқық.  Оқушылар көптеген сұрақтар қойып,  қызықты мәлімет алады.