13 ақпан 2012күні М. Жұмабаев атындағы №39 гимназияда математика пәнінен «Ұлттық бірыңғай тесттегі геометрия есептері» тақырыбында қалалық семинары өтті. Оған қаланың қазақ мектептерінің математика пәні мұғалімдері мен ҚББ әдіскері А.У.Есенбекова қатысты. Гимназия директоры Ж.С. Базыл семинарды ашты. А.У. Есенбекова биылғы  оқу  жылындағы  ҰБТ тапсыру ережелеріне енгізілген өзгеріске тоқталып өтті. Сонымен қатар, политехникалық пәндер  кафедрасының жетекшісі Ш.Ө. Нұржанова гимназияның 3 жылғы ҰБТ – тағы математика пәні көрсеткіштеріне талдау жасады. Жоғарғысанатты  математика пәнінің мұғалімі Ж.Б.Абекбаева тест жинақтарындағы планиметрия тақырыбындағы есептерді шешу жолдарын талдады. Ш.У.Нұржанова және А.Қ. Ашамай стереометрия тақырыбындағы қиын есептердің шешілу жолдарын көрсетті. Мектеп психологы М.К.Қошанова семинарға қатысушылармен бірге тренинг  жұмыстарын өткізді. Жоғарғы санатты математика пәнінің ұстаздары Г.Х. Садыкова және Ж.О. Ашимова тест жинақтарынан бірнеше есептер шығарып, топтық  жұмыс жасады. Семинарды ҰБТ-те сәттілік тілей отырып, А.У.Есенбекова қорытындылады.