2019 жылдың 29-30 наурыз аралығында Қарағанды қаласында «Жастар» спорт кешенінде «Roboland-2019» робототехника, бағдарламалау және инновациялық технологиялардың V халықаралық фестивалі өтті. Ұйымдастырушылар: Қарағанды облысының білім басқармасы. Биыл фестивалдің 5жылдық мерейтойына байланысты іс-шара жаңа форматта өткізілді. Жарыста 14 түрлі финалдық категория таңдалса, оның ішінде фестиваль алаңында «АГРО CITY FARMING», «Roboland-Friendship» және «Роботтармен шоу» сияқты категориялар алғаш рет өткізіліп, ең үздік 800 команда қатысты. Мерейтойлық фестивалге Қазақстанның барлық облыстарынан, Нұр-Сұлтан және Алматы қалаларынан,  Ресейдің төрт өңірінен: Томск облысы, Челябинск, Новокузнецк (Кемерово облысы), Тольятти (Самара облысы), және Өзбекстаннан (Ташкент қаласы) оқушылар қатысты. Көрермендерге арналған көрмелер ұйымдастырылып, алаңда жаңа роботтардың билері, слайдтар көрсетілді. Фестивалді облыс әкімінің орынбасары Асхат Канатович Аймагамбетов өзінің құттықтау сөзімен ашып, қатысушыларға жеңіс тіледі. Жарыста гимназия оқушылары "Сумо"категориясы бойынша І орынға ие болды. Жетекшілері: Касимова Д. А., Бердиxоджаев А.С. Жеңімпаздарымызды жеңістерімен құттықтай отырып, биік шыңдарды одан әрі бағындыра беріңіздер деп тілек білдіреміз!