Биыл гимназиямызда көктемнің шуақты күні наурыз мейрамы  қарсаңында гимназия директоры А.Жалеловтың ұсынысымен алғашқы рет  ата салтымызды қадірлеу , кейінгі ұрпаққа мұра етіп жеткізу,ұлттық тәрбие беру мақсатында «Әжелер көңілдің ажары, немере-өмірдің базары» тақырыбында 3-4 сыныптар арасында  әжелер мен немерелер сайысы өтілді. Немере үшін ең мейірімді жан – әже. Ақ сүт берген аналардың анасы – әже. «Жан жүрегім, жарығым,айым» деп немересін,шөбересін  жүрегіне, айға теңейтін де әже.  Әжелердің ақ тілегі  жастар үшін құнды.

Сайыстың әділ шешімін жасаған әділ қазылар алқасы директордың тәрбие ісінің орынбасары А.Шайхин, директордың бейіндік ісінің орынбасары Д.Касимова, қазақ тілі мен әдебиеті пәні мұғалімі О.Сұраған.

Сайысымыз ІІІ  кезеңнен тұрды. І кезең «Сәлем сөздің анасы»(таныстыру). ІІ кезең Әже мен немере өнерін көрсетті (ән,би т.б.). ІІІ. «Қол өнер әдемі сәнділікпен»(әжелер қағаздан ою-өрнек қияды, немересі дайын оюдан өрнек  құрастырады).

Немерелеріне  сырға толы әңгіме шертетін, ертегі айтатын «Өз балам өскенше, немерем өлгенше» дейтін  асыл қазына  әжелеріміз аман болсын дейміз. Дендеріңізге саулық, отбасыларыңызға амандық тілейміз!