Күз-көздің  жауын  алатын  жыл  мезгілдерінің  бірі.  Табиғат  алтынға  боялып,  тіршілік  иелері  қамданып  жататын  уақыт. Табиғат  ұйқыға, тыныштыққа  қамданып  жатса  да, бұл-мереке  мезгіл.

Осы  күз  мерекесінің  39  гимназияда  қалай  өткеніне  көз  жүгіртіп  өтейік. Айман  Қасықпаевнаның  жетекшілігімен  10 «Ә»  сыныбы   «Күз  ханшасы  мен  ханзадасы»  атты  сайыс  ұйымдастырды.  Бұл   мектеп  салтындағы  жаңа  өзгеріс, себебі  жыл  сайын  тек  «Күз  ханшасы»  ғана  өтетін. Сайыс  8-10  сыныптар  аралығында  өткізілді,барлығы  10  жұп.Сайыс  4  тапсырмадан  тұрды: 1-таныстыру,2-пародия,3-қолөнер,4-би  түрлері. Таныстыру  да  өзгеше  болды,  шарт  бойынша,  әрбір  жұп өздерін  жарнамалау  керек. Сұлұ  арулар  мен  сымбатты  жігіттердің  таныстырулары  көрермен  көңілінен  шықты. 2-нші  сайыста  әрбір  жұп Қазақстан  актерлері  мен  әншілеріне  пародия  жасады. «Ұлытау», «Арнау»  дуэті, Баян  Есентаева, Мөлдір  Әуелбекова  және  т.б.  танымал  тұлғаларға  жасалған  пародиялар  болды.  Қолөнердің  алдында  қатысушыларды  шамалы  ширатып  алу  үшін  жүргізушілер- Искаков Д.  мен  Оспанова  Д.  кішкене  сайыс  жариялады.  Шарт  бойынша- қыздар  қырыққабат  турап, ұлдардың  картоп  аршуы  керек. Олар  іске  кіріскенде  көрермендердің  барлығы  қолдау  жасап  отырды. Осыдан  болар  барлық  жұп  тапсырманы  «5»-ке  орындады. Қолөнерде  біздің  жұптардың  қолдан  жасаған  құмыралары,жануарлар  бейнесі, күздік  нышандармен  жасалған  суреттері, жапырақ  сияқты  табиғи  материал  қатыстырылған  киім  үлгілері-қазақ  ұл-қыздарының  қолынан  көп  нәрсе  келетінін  көрсетті.4-нші  сайысқа  ұйымдастырушылар  барлық  жұптарға  10  би  түрлерін  ұсынды. Қатысушылар  жребий  бойынша  түскен  биді  билеуі  тиіс. Лезгинка,танго,бачата,сальса,қаражорға т.б.  би  түрлері  ұсынылды. Билердің  қиындылығына  қарамастан, әрбір  би  әсерлі  болды, көрермендер  мен  қазылар  алқасының  ыстық  ықыласына  бөленді. Енді  сайыс  бітіп  қазылар  алқасына  жеңімпазды  анықтау  керек. Олардың  шешімі  бойынша:   3 орын- 8 «Ә» сыныбы  Жанбекова  Айдана  мен  Серіков  Азат , 2 орын- 8 «А» сыныбы  Елубаева  Аяжан  мен  Төлеуғазы  Шыңғыс , 1 орын- 8 «В» сыныбы  Қажығалиева  Айбибі  мен  Амантай  Шерхан ,  бас  жүлде  10 «А»  сыныбы- Ысқақ  Айдана  мен  Қазбек Мейірғазыға  берілді. Бұл  жұптар  шыныменде  барлық  сайыстарда  өздерінің  жоғары  дайындылығын  көрсетті. 

«Күз  ханшасы  мен  ханзадасы»  бәрімізге  жақсы  әсер  мен  жақсы  көңіл-күй  сыйлады, көпке  дейін  ұмытылмастай  өзінің  ізін  қалдырды.

         10 «Ә» сыныптың ұйымдастыруымен  8-11 сыныптар  арасында  «Күз  Ханзадасы  мен  Ханшайымы»  атты сайыста жеңіске ие болған сынып оқушылары:

            Бас  жүлде  10 «А»  сыныбы- Ысқақ  Айдана  мен  Қазбек Мейірғазы    

       І орын     8 «В» сыныбы  Қажығалиева  Айбибі  мен  Амантай  Шерхан

       ІІ орын    8 «А» сыныбы  Елубаева  Аяжан  мен  Төлеуғазы  Шыңғыс 

       ІІІ орын  8 «Ә» сыныбы  Жанбекова  Айдана  мен  Серіков  Азат

       7 «Б» сыныбының ұйымдастыруымен   5-7 сыныптар арасында   «Алтын күз»    мерекелік кешінің жеңімпазы болған сынып оқушылары:

          Бас  жүлде  7 «Б»  сыныбы  Әбіш Тұрлан мен Орынбекова Айханым

       І орын   7 «Ә»  сыныбы   Карибаев Әділет пен Смаилова Анель

       ІІ орын  5 «Ә» сыныбы   Досқажанов Талғат пен Құсайнова Лаура            

       ІІІ орын   6 «Б» сыныбы    Кенесбеков Диас пен Жұманбаева Айгерім