12.12.2018  күні  7 «Ә», 7 «Б» сынып оқушылары Халықаралық таеквандо федерациясының мүшесі, Қазақстан Республикасының спорт шебері, жоғары категориялы тренер, 4 дан қара белбеу иесі, Үнді мемлекетінде өткен Әлем чемпионатының  қола жүлдегері  Ыдырысов Бақытжан Сағатұлымен кездесу өткізді. Кездесу барысында оқушылар көкейлерінде жүрген сұрақтарын қойып, Бақытжан Сағатұлымен жылы сұхбат жүргізді. 12 жастан спортпен айналысып, осы салада 26 жыл өмірін арнаған спорт шеберінің өзі жайлы әңгімесін оқушылар қызыға тыңдады.  Кездесу барысында 7 «Б» сынып оқушылары, Бақытжан Сағатұлының шәкірттері  Сағат Хантөре, Әлғожин Сұңғат, Жумағалиев Аңсар,  Шаймерден Айбаттың жеткен жетістіктері мен шет мемлекеттерге барғандағы қызықтарымен бөлісті. Алдағы уақытта ақпан айының 21-27 аралығында Германияда болатын Еуропа ашық кубогына Қарағанды облысының намысын қорғауға Жумагалиев Аңсардың баратынын айтып, жақсы жаңалығымен бөлісті. Кездесу соңында Бақытжан Сағатұлы оқушыларға ең бастысы адал азамат болуларын тілеп, ел үшін еңбек етудің еш кетпейтінін жеткізді. Сынып жетекшілері Анар Жайсаңбайқызы мен Мөлдір Жақсыбайқызына өз атынан алғыс білдірді.