Қазақстан Республикасының «Цифрлық Қазақстан» мемлекеттік бағдарламасын іске асыру мақсатында жаз айларында қалалық білім бөлімінің ұйымдастыруымен қала мектептерінде компьютерлік сауаттылық курстары басталды. Курстарды қала мектептері тренерлар өткізеді. 30 мамыр күні тренерлерге оқыту семинары өтті. Семинарды Қарағанды облысы оқу - әдістемелік орталықтан оқып, сертификат алып келген қалалық білім бөлімінің әдіскерлері Гавриш А.С., Исаева А.С. қала мектептерінің тренерларына өткізді. Тренерлер "Базалық цифрлық дағдылар", "Электронды үкімет және электрондық мемлекеттік қызметтер", "Электронды сауда" және "Ашық үкімет" тақырыптарындағы курстармен танысып, соңында барлығы облыстық оқу - әдістемелік орталықтың ұйымдастырған он - лайн тестісін сәтті тапсырып шықты. 31 мамыр күні тренерлер ұйымдастыру жұмыстарын бастады. Гимназияда тыңдаушыларға жағдай жасалынып, арнайы компьютерлік сынып тағайындалды. Кестеге сәйкес 1 маусымнан бастап компьютерлік курс басталды. Курсты гимназия инженері Бердиходжаев А.С., информатика пәні мұғалімі Ізбасар Р.С, қалалық білім бөлімінің әдіскері Исаева А.С. өткізді. Тыңдаушылар ұйымшылдықпен, қызығушылықпен келіп оқып жатыр.