«Оқуға құштар мектеп» жобасы аясында мектебімізбен жылдар бойы тығыз байланыста жұмыс жасайтын М.О.Әуезов атындағы «Орталықтандырылған кітапханалар жүйесі» КММ №11 балаларға қызмет көрсету филиалына 2 «б» сынып оқушылары саяхатқа барды. Кітап – асыл қазына. Ал, кітапхана – ғасырлар бойы келе жатқан шырағы биік парасат пен білімнің киелі шаңырағы. Ұядай шаңырақ. Заман талабымен жабдықталған. Мобилді кітапхана. Коворкинг орталығы. Кіреберісте бірінен бірі өткен кітаптар қаз-қатар тізіліп тұр. Балалардың рухани байлығын арттырудың сан түрлі жолы бар. Сол жолдың бірі – шығармашылық тәрбие. Қазіргі ата-ана жұмысбасты, ал балалар телефонға телмірген деп жатады ғой. Негізі бұл пікірмен келіспеймін. Себебі, көптеген ата-ана бізге баласын жетектеп әкеледі. Әкелері келіп үйіне кітап алады, отбасымен бірге оқиды. Жалпы қазіргі буынның, әсіресе балалардың кітапқа деген қызығушылығы жоғары. Сондай-ақ, жаздыгүні тынығу лагеріне кітаптар апарамыз, олар бізге саяхаттауға келеді.