3 сәуір күні «№59 ЖББОМ» КММ жанындағы  «Нұршуақ» шағын орталығының тәрбиеленушілері  «№59ЖББОМ» КММ  Наурыз мейрамы қарсанында  ашылған этнографиялық мұражайға барды.

Балалар мұражайда орналасқан  экпонаттарға қызығушылық танытты: қазақ халқының  тұрғын үйі- киіз үй, үй бұйымдары, тұрмыстық заттары, ұлттық киім.  Олардың назары көрмеде тұрған  ұлттық музыкалық аспаптарға ауып (домбыра, қобыз және т. б.),  сонымен бірге, қой, жылқы тағы да басқа үй жануарлары орналасқан  жәйляу панорамасы көңілдерінен шықты.  Қыз балалар көбінесе  ұлттық әшекейлерге көз салды.  Ұл балалар  ежелгі жауынгердің  сауыт-сайманына деген  қызығушылықтарын жасыра алмады.

Саяхаттан кейін балалар топтарына келіп, мұражайда көрген экспонаттарды қайтадан көз алдарынан өткізіп, әңгімелеп берді.

Аталмыш экскурсиялар өскелең ұрпақты  рухани-адамгершілікке, Отанға деген сүйіспеншілікке, тарихына,  ата-бабаларымыздың әдет-ғұрпын үйренуге тәрбиелейтіні  сөзсіз.