Қарағанды қаласының №59 жалпы білім беретін орта мектебінде наурыз айының 10-ы мен 18-і аралығында қазақ тілі апталығы өтті. Осы апталық барысында 3 сыныптар арасында «Тапқыр достар» сайысы өткізілді. Мемлекеттік тілді дамытуға, оқу орыс тілінде жүргізілетін сыныптарда қолданыс аясын кеңітуге арналып отырған іс-шараның мақсаты: оқушылардың халық ауыз әдебиеті шығармасының түрлері (жұмбақ, мақал-мәтелдердің) мәнін ұғынып, мағынасын түсіне білуін, олардың ойлау қабілетін, тілін дамыту, топпен жұмыс істей білуге баулуға, өздігінен сөз тіркестерін, сөйлемдер құрастыра білуге, мәнерлеп оқуға дағдыландыру болып табылды. 3 в сыныбынан «Ұшқын» және 3 б сыныбының «Қырандар» топтарының арасындағы бұл сайыста оқушылар қазақ тілінде өздерінің білімдерін, өнерлерін көрсетті. Сайыс кезең-кезеңге бөлініп өткізілді. Ең бірінші бақытым – Халқым менің, Соған берем ойымның алтын кенін Ол бар болса, мен бармын қор болмаймын, Қымбаттырақ алтыннан нарқым менің Ал екінші бақытым – Тілім менің, Тас жүректі тіліммен тілімдедім Кей-кейде дүниеден түңілсем де, Қасиетті тілімнен түңілмедім, - деп жырлаған М.Мақатаев сияқты ағиық ақындарымыздың шығармаларын, олардың жан айқайын келер ұрпаққа жалғастырушы, еліміздің болашағы, жаңа буын өкілдері. Оларға саналы тәрбие мен сапалы білім беру – жүрегі елім, жерім, тілім деп соққан әр мұғалімнің еншісіндегі үлкен жауапкершілік екендігі айтылып өтті. Ең алдымен сайыс шарты түсіндіріліп, әр команда қоржындарға асық жинау арқылы ұпайларын көбейту керектігі түсіндірілді. Сайыс кезінде оқушылар сөзжұмбақтар, жұмбақтар шешті. Қазақ халқының мақал мәтелдерін балалар бірінен-бірі мазмұнды, мәнерлі етіп айтқанда ұстаздар, ата-аналар көңілі бір көтеріліп қалды. Сонан соң оқушылар өздеріне берілген сөздер бойынша сөз тіркестерін, сөйлемдерді жылдам, мазмұнды етіп құрастыра алды. «Жылдам айт» кезеңінде оқушылар берілген тапсырмаларды әп-сәтте орындап, осы тапсырма бойынша шағын әңгімелер де құрастырып үлгерді. Оқушылар қазақ ақындарының өлеңдерін жатқа айтты. Мысалы 3 б сынып оқушысы Шевченко Глеб Б.Ысқақовтың «Отан» өлеңін нақышына келтіре оқыса, 3 в сыныбынан Ермаганбетова Э. Абай өлеңін, А.Бекебаева «Үш би» өлеңдерін жатқа мәнерлеп айтты. Сайыс соңынан сайыскерлер «Атамекен» әнін орындап, мақтау грамоталарымен марапатталды. Оразбаева Ж.К. №59 ОМ-тің қазақ тілі мұғалімі