20.01.14ж күні №59 ЖББ орта мектебінде Қазақстан Республикасының Президенті Н.Ә.Назарбаевтың «Қазақстан - 2050:  Ортақ мақсат, ортақ мүдде, ортақ болашақ» «Мәңгілік ел» 2014 жыл 17 қаңтардағы Қазақстан халқына Жолдауы директор жанындағы кеңесте мұғалімдер ұжымы арасында талданды.

Қазақстан Республикасының Президенті Н.Ә.Назарбаевтың:

«Біздер, қазақстандықтар – бір халықпыз!

Біз үшін ортақ тағдыр – бұл біздің Мәңгілік Ел, лайықты әрі ұлы Қазақстан! Мәңгілік Ел – жалпы қазақстандық ортақ шаңырағымыздың ұлттық идеясы. Бабаларымыздың арманы.

Егеменді дамудың 22 жылында барша қазақстандықтарды біріктіретін, ел болашағының іргетасын қалаған басты құндылықтар жасалды.

Олар көктен түскен жоқ. Бұл құндылықтар – уақыт сынынан өткен Қазақстандық жол тәжірибесі.

Біріншіден, бұл – Қазақстанның тәуелсіздігі және Астанасы.

Екіншіден, бұл – қоғамымыздағы ұлттық бірлік, бейбітшілік пен келісім.

Үшіншіден, бұл – зайырлы қоғам және жоғары руханият.

Төртіншіден, бұл – индустрияландыру мен инновацияларға негізделген экономикалық өсім.

Бесіншіден, бұл – Жалпыға Ортақ Еңбек Қоғамы.

Алтыншыдан, бұл – тарихтың, мәдениет пен тілдің ортақтығы.

Жетіншіден, бұл – еліміздің ұлттық қауіпсіздігі және бүкіләлемдік, өңірлік мәселелерді шешуге жаһандық тұрғыдан қатысуы.

Осы құндылықтар арқасында біз әрдайым жеңіске жеттік, елімізді нығайттық, ұлы жетістіктерімізді еселедік.

Жаңа Қазақстандық Патриотизмнің идеялық негізі осы мемлекет құраушы, жалпыұлттық құндылықтарда жатыр»– деген көреген сөздері ұстаздарды қанаттандырды.

№59 ЖББОМ мұғалімдер ұжымы барлығы қатысып, Елбасының Қазақстан халқына арнаған Жолдауын үлкен жауапкершілікпен қабылдады.