18.09.2013 жылы  №59 жалпы білім беретін орта мектебінде «Мемлекеттік тілді оқытуда ауызша және жазбаша  сөйлеу арқылы оқушының  сөздік қорын молайту »тақырыбында  орыс тілді мектептердегі қазақ тілі мен әдебиеті   мұғалімдерінің  қалалық семинары өтті. Семинар   жұмысын Қарағанды қалалық Білім бөлімінің әдіскері  Ибадуллаева Г.С. жүргізді.Семинар жұмысына мектеп директорының орынбасарлары Жанатаева Г.А., Сатыбалдина Г.М. қатысып, сөз сөйледі.

Семинардың мақсаты: Ауызша және жазбаша сөйлеу дағдыларын жетілдіру арқылы оқушының сөздік қорын молайту  мақсатында оқытудың әдіс-тәсілдерін жетілдіріп,тиімді қолдану бойынша тәжірибе алмасу

      № 48 ОМ    қазақ тілі және әдебиет  Исагулова А.Г. «Қазақ тілі мен әдебиетін игеру үшін сөздік қорды молайтудың қажеттігі» тақырыбында баяндама оқып,өзінің  Кембридж университетінің мамандарынан алған білімін  іс жүзінде қалай қолданып жүргені туралы ой бөлісті.Оқушылардың сөздік қорын молайту мақсатында күнделікті қолданып жүрген әдіс-тәсілдері жайлы әңгімелеп берді.Бағдарлама бойынша жоспарланған ашық сабақтар өткізілді. 6 «Б» сыныбында  «Менің отбасым» тақырыбында  Сейлбек Г.Қ. өткізген қазақ тілі сабағын  әріпестері  жоғары бағалады.

«Әдептілік – әр адамның бет - бейнесі»тақырыбында  8 «Г» сыныбы оқушыларымен Досумжанова М.Р. өткізген сабағын талдады.

«Мемлекеттік тіл – менің тілім» тақырыбында Аширбекова Г.Ж.,

Мұса Ж.Қ, Кошербаева Б.А. 7 «Б» сыныбында  сыныптан тыс іс-шарасын жоғары деңгейде  өткізді.Оқушылар қазақ тілінде жатқа өлеңдер оқып, өз өнерлерін көрсетті.

Семинардың соңында қазақ тілі мұғалімдеріне қатысты өзекті мәселелер жайлы сөз қозғалды. Мектеп оқушыларының дайындаған әндері мен билерін тамашалады.Семинар өз мақсатына жетті.