«Халықаралық экология, инженерия және педагогика ғылымдар академиясы» халықаралық қоғамдық қоры  Астана қаласында 14 қазан күні «Білім беру көшбасшысы-2017» екінші ұлттық республикалық сайысын ұйымдастырды. Осы сайысқа Қарағанды облысының атынан Қарағанды қаласындағы №4 жалпы білім беретін орта мектеп мұғалімдері қатысып, сайыс нәтижесі бойынша арнайы ордендер жеңіп алды. Бастауыш сынып мұғалімі Майя Адилова білім саласындағы жетістіктері үшін  «Сатпаев атындағы » бірінші дәрежелі орденді сайыс қорытындысындағы әділ қазылар шешімімен жеңіп алды. Жеңімпаздар жолын бастауыш сынып мұғалімдері Таңнұр Төлеукұлова және Назерке Кәріғұл жас мұғалімдер сайысында «Алтын қанат» бірінші дәрежелі ордендерін жеңіп алды.

Республикалық сайыс кезеңдерінде мұғалімдердің кейінгі үш жылдағы жетістіктері мен авторлық бағдарламалары сарапқа салынды. Сайысқа республиканың барлық аймақтарынан 330-ға жуық мұғалімдер қатысты.

Командалық мектептер арасындағы сайыста үш жыл бой белсенді қатысқан №4 орта мектеп командасы «Білім беру көшбасшысы-2017» арнайы сертификатымен марапатталып, мектеп директоры Каламқас Сабыровна арнайы алғыс хатпен марапатталды.