Мамыр айының 22 – сі күні 4 «Ә» сыныбында «Сарқылмас ұлылықтың бастауысың, Саған мәңгі басымды иемін, БАСТАУЫШЫМ!» атты 4 сыныппен қоштасу мерекесі өтті.

Кеше ғана тарыдай болып кіріп, ақыл ойлары толысып, оң мен солын танып, жақсы мен жаманды айыра білуді үйренген шәкірттеріміздің ұйымдастыруымен қасиетті киелі шаңырақта мағынасы терең, мәні зор мерекелік іс – шара өте жақсы дәрежеде ұйымдастырылды. Сынып оқушылары жырдан шашу шашып, тамылжыта ән салып, мың бұрала би билеп, бойларындағы өнерлерін ортаға салды. Алғаш қолдарына қалам ұстатқан алғашқы ұстаздары Гүлбереке Мәненқызымен қоштаса отырып, орта буында дәріс беретін ұстаздарымен танысып, алдағы аттайтын баспалдақтарына нық қадаммен аттауға сәт – сапар тілеп, жақсы көңіл күйде мерекені ойдағыдай аяқтады. Ұстаздары Гүлбереке Мәненқызы шәкірттеріне жүрек жарды тілегін білдіріп, өлең шумақтарынан жыр шашты.