Сыныптағы 11 қыз баланың бәрі сайысқа қатысты. Әр ару сайыстың әр кезеңіне өте жақсы деңгейде дайындалып келген.

Сынып жігіттері әннен шашу шашып, би биледі. Аналарына арнайы жасаған сыйлықтарын тарту етті. Аруларымыз өнерлері мен білімдерін, тапқырлықтарын, шеберліктерін, пысықтықтарын, шапшаңдықтарын, ептіліктерін, сұлулықтарын көрсете білді. «Көктем аруы – 2016» атағына Абдулла Зульфат ие болды. Қалған аруларға қабілеттеріне қарай атақтар берілді. Сайыс өте жоғары дәрежеде ұйымдастырылған. Аналардың ризашылығында шек жоқ. Балаларының өнері мен біліктіліктерін көріп, риза болып тарасты. Сөз соңында Тұрмағанбет Әлиханның әжесі құттықтау сөзін білдірді. Жайдархан Алиханның анасы өзіне ұнаған 4 аруға арнайы сыйлықтар табыс етті. Сынып жігіттері қыздарға азын аулақ сыйлық табыс етті. Аруларымыздың көңіл күйлері көтеріңкі, мәз мейрам болып тарасты.