Аталмыш байқауға біздің мектептен 3 «Ә» сынып оқушылары Жайдархан Алихан мен Нышан Ерзат қатысып, өз өнерлерін ортаға салды. Барша аналардың құрметіне орай екеуі «Мама» әнін өте жоғары деңгейде шырқап, халықаралық байқаудың 7 – 9 жас аралығындағы вокалдық орындаудан ІІ орынды қанжығаларына байлады. «Шығыс жұлдызы» байқауының ІІ дәрежелі лауреаты атанып, медальмен марапатталды. Бұл біз үшін өте жоғары дәреже. Жас жеткіншектердің жетекшісі ән – күй пәнінің мұғалімі Алиева Айнагуль Сейдазымовнаға мектеп әкімшілігі атынан зор алғыс білдіріп, рахмет айтамыз. Айнагуль Сейдазымовнаның шәкірттерінің қанаттары талмай, биіктерді бағындырып жүре берсін демекпіз. Талантты ұлдарымыздың өнерлері шыңдалып, үлкен сахналарға үнемі шыға беруіне тілектеспіз. Еңбектері еленіп, жемістерін көре берсін. Мектебіміздің мәртебесін асқақтатып жүрген ұлдарымыз аман болсын! Алдағы уақытта мақтаныштарымызға тек сәттілік пен жақсылық тілейміз! Өнерлерің үстем болсын, ұландар!