Көктем келіп жер дүниенің бәрі түрленіп жатыр. Қар еріп, күн жылынып, жылғалардан су ағып, көктемгі маужыраған ауа райы адамзатты да қуанышқа бөледі. Аспанда сайраған құстардың дауысы даланы көркейтіп, табиғат анаға ерекше сән беріп жатыр. Бүгінде көктемнің тамылжыған күндерінің бірі. Бізде көктемгі демалысымызды қызықты өткізу үшін әр күн сайын қыдыруды, демалуды жоспарладық. Сол мақсатпен бүгін (27.03.2014) біз қаламыздағы Хайуанаттар бағына жол тарттық. Бұл сапарға 1 – 2 – 4  қазақ сыныптарының оқушылары бардық. Қасымызда сынып жетекшілеріміз Нұрланова Ғ.Е., Бекмагамбетова М.Е., Мәнен Г. болды. Сонымен саяхатымыз өте қызықты, көңілді өтті. Онда біздер жануарлар, аңдар, құстар, жәндіктер, балықтар әлемдерін араладық. Саяхат барысында ұстаздарымыз әр табиғат мүшелерінің қасиеттері мен ерекшеліктерінен мағлұматтар беріп жүрді. Хайуанаттар бағына жасаған саяхатымыз мәнді әрі көңілді өтті. Ұстаздарымызға мың алғыс айтып, ерекше көңіл күйде үйлерімізге тарастық. 

4 «Ә» сынып оқушылары: Айдынова Арай

                                                 Алмасқызы Ақмарал