Наурыз мерекесіне қарсы №87 НОМ мерекелік безендіру ұйымдастырылды. Алдын-ала дайындалған және бекітілген жоспар бойынша мектепте төмендегідей іс-шаралар өткізілді: 15 наурызда мұғалімдер мен оқушылар арасында ұлттық және спорттық ойындардан жарыстар өтті,18 наурызда 5-ші сыныптар арасында, 17 наурызда 7-8 сыныптар арасында ойындар өткізілсе, кітапханада "Наурыз мейрамын қалай мерекелейтінімен танысу" тақырыбында Наурыз, қазақ халқының салт-дәстүрлері туралы кітаптар көрмесі ұйымдастырылды. Әр сыныпта мерекелік қабырға газеті шығарылды, "Наурыз-жаңа жыл мерекесі" тақырыбында сынып сағаттары өтті және "Қош келдің, Наурыз!" жалпы мектепішілік мерекелік жиын өтті.                            19 наурыз күні жалпы мектепішілік "Наурыз көктем мен жаңару мерекесі" тақырыбында мерекелік концерт ұйымдастырылды, ал бастауыш сынып оқушылары үшін С.Сейфуллин театрының әртістерінің қатысуымен қойылым көрсетілді.