16.02.2014ж. №87 мектеп базасында Қарағанды қаласының 80 жылдық мерекесіне орай сыныптан тыс іс-шара ұйымдастырылды. Іс-шара 8-сынып оқушылар арасындағы топтық жұмыс түрінде жүргізілді. Оқушылар топпен жұмыс жасай отырып, өздерінің тапқырлығын, білімін, шығармашылықпен ойлай алу қабілеттерін көрсетті. Мектеп мұғалімдерінен құрылған әділқазылар алқасы әр тапсырмаға қойылған критерийлер бойынша бағалады. Берілген шығармашылық сипаттағы тапсырмаларды орындауда оқушылардан шығармашылықпен ойлай білуді, дұрыс талдау жасай алуды, сонымен қатар математикалық білімін талап етті.    Өткізіліп отырған іс-шараның негізгі мақсаты Қарағанды қаласының даму туралы түсініктерін қалыптастыру, оның қалыптасуы мен алғаш қала мәртебесіне ие болғаннан бергі уақыттағы басшылары туралы мәліметтер беру. Міндеттері:
1.   Қарағанды қаласының дамуымен және тарихымен, халықтары мәдениетімен таныстыру. Дүниетанымын кеңейту.
2.   Өз елінің тарихын тануға деген қызығушылығын арттыру.
3.  Қазақстандық патриотизмге баулу, өз Отаны үшін мақтаныш сезімін тудыру.