Құрметті ата-аналар! Жаңа оқу жылына дайындық аясында облыс мектептері түрлі санаттағы балаларға материалдық көмек көрсету жұмыстарын бастады. “Жалпыға бірдей білім беру”қоры атаулы әлеуметтік көмек алатын балаларға, сондай-ақ жан басына шаққандағы орташа табысы күнкөріс деңгейінен төмен отбасылардың балаларына қолдау көрсетеді. Бұл көмек жетім балалар мен ата-анасының қамқорлығынсыз өскен балаларға, сондай-ақ қиын өмірлік жағдайда қалған мектеп оқушыларына да қатысты.