ҚББ қолдауымен "Өнегелі өмір" жобасы аясында мектебіміздің жоғары сынып оқушылары "Орталық Қазақстан" газетінің бас редакторы, "Saryarqa Aqparat" медиахолдингінің директоры Ахметов Қамбар Жұмағалиұлымен онлайн-кездесу ұйымдастырды. Жобаның мақсаты: Қарағанды өлкеміздің дамуына зор үлес қосып жүрген атақты мен табысты тұлғалардың өмірлік іс-тәжірибелерімен, бейнесімен, жетістіктерімен таныстыру, жастарға рухани, патриоттық тәрбие, кәсіби бағыт-бағдар беру. Қонағымызға көп сұрақтар қойылды. Редакцияның латын графикасына көшудегі дайындығы, қоғамдағы тіл мәселесі жайлы, мамандық таңдаудағы кеңестері айтылды. Отбасы жайлы да сөз қозғалды.