Құрметті ата-аналар! Бірінші сыныпқа түсетін баланың ата-аналарынан немесе өзге де заңды өкілдерінен құжаттарды қабылдау мерзімі ағымдағы жылдың 1 тамызында аяқталатынын естеріңізге саламыз. Азаматтардың қауіпсіздігін қамтамасыз ету үшін денсаулық жағдайы туралы медициналық анықтама алу кезінде туындаған қиындықтарды ескере отырып, білім және ғылым Министрі медициналық анықтаманы көрсетпей білім беру ұйымдарына құжаттарды қабылдауға уақытша рұқсат беретін бұйрыққа қол қойды. Egov.kz порталда кеш мерзімде медициналық анықтама беру бойынша қосымша функция енгізілді. Балалар білім беру ұйымдарына медициналық құжаттарсыз, тексеруден өткенге дейін, шартты түрде қабылданады. Медициналық анықтамаларды оқу жылы басталғанға дейін ұсынуға болады. 1-11 сынып оқушылары үшін 2020-2021 оқу жылы 1 қыркүйекте қашықтық форматта басталады. Ата-аналардың жазбаша өтініші бойынша бастауыш сынып оқушыларына қатаң санитарлық шараларды сақтай отырып, кезекші сыныптарда оқу мүмкіндігі беріледі.