31 қазан күні №87 НОМ 9-сынып оқушылары мамандық таңдау бойынша Қарағанды тамақтану және сервис колледжіне барып келді. Колледждің тыныс-тіршілігімен жақын танысты. Жиын залында бейнебаян тамашалады. Спорттық орынды, асхананы, кітапхананы аралады. Колледж мейрамханасында оқушылар шеберлік сабағына қатысты. Өздері де шаш қию, бутерброд жасау, үстелді безендіруге белсене араласып кетті. Колледж өте қатты ұнады. Болашақта осы оқу орнында білімін жалғастыру үшін өтініштер жазып қалдырды.