«ҚАЗЫНАЛЫ ҚАРТТАРЫМ АМАН ЖҮРСІН!»

«Үлкенге құрмет, кішіге ізет» - ұлтымыздың ежелден келе жатқан ұлағаты жас ұрпақтың санасында мәңгілікке сақталып қалуы – тәрбие бастауы, тәлім заңдылығы.

Қазыналы қарттарымызды қадір тұтып, құрметтеу мақсатында, тәлім-тәрбие алу мақсатында Шәкәрім гимназиясында, наурызнамаға сәйкес, 8-сыныптар параллелі жауапты болған «Қайырымдылық күні» керемет ұрпақтар сабақтасқан кездесу форматында өтті. Басты әрі қадірлі қонақтарымыз – ақ әжелер мен ардақты атамыз болды.

Бұндай ерекше күні 8-сынып оқушылары ақ әжелеріміз бен ардақты атамызды гимназия төріне шығарып, құрмет көрсетті, өнерлі өрендеріміз ән мен күйден, жыр мен биден шашу шашты, мерекелік думанға бөледі.

Елдігіміз бен ұлтымыздың алтын кені болған ақ әжелеріміз бен ардақты атамыз жас ұрпаққа ұлағат пен өсиетке, тәлім мен тәрбиеге толы ғибрат айтты, өмір тәжіріибелерімен бөлісті, мыңжылдықтарды еңсерген Наурыз думанның мән-мағынасын түсіндіріп өтті, мейрам қарсаңында құттықтауларын жеткізіп, бата берді, дәстүрімізді ұлықтап шашу шашты.

Қадірлі қонақтарымызға 8-сынып оқушыларының, ата-аналарының, мұғалімдерінің атынан кәде сыйлар ұсынылды.

Осындай ұрпақтар сабақтасып жатқан мерекелік кездесу-концертке әр берген «Наурыз-шашу» хореографиялық қойылымды дайындаған дарынды аруымыз 8Б сынып оқушысы Усербай Айымжанға дән ризамыз! Өнерің өрлей берсін!

Мерекелік шараны басынан аяғына дейін музыкамен көркемдеген «Музыка» пәнінің мұғалімі Мақан Разияға алғысымыз ерекше!

Наурыз құтты болсын, қадірлі отандастар!