Әр адамның есейгенде жадында мәңгі сақталатын, жүрегіне жақын сәттер болары анық. Сондай ұмытылмас кезеңнің бірі – мектепте оқушы болған кез. Бұл ерекше кезеңде әр оқушы сәнді, жарасымды, ұнатып киетін мектеп формасы ерекше сән үлгісі ретінде қабылданады. Оны оқу жылының алдында сатып алу да бір ерекше рәсім. Сондай ерекше сәттер гимназия өмірінде көбірек орын алсын деп, мектеп формасының жарасымдылығын, үйлесімділігін, оқушы тұлғасын ерекше нұрландырып тұратындығын паш ету мақсатында Шәкәрім гимназиясында парламенттің «Мәдениет және білім» фракция жетекшісі, 9Е сынып оқушысы Алдошина Юлияның бастауымен, фракция командасының қостауымен «Менің мектеп формам өзіме ұнайды!» дефилесі өткізілді. Ерекше сән, терең мән беретін дефилені тамашалаған 5-6-сынып жеткіншектері ерекше әсер алып, биік эстетикалық талғамдары бар екенін көрсетті. Ал мектеп формасына тән сән үлгісін асқан ыждаһаттылықпен паш еткен оқушы-модельдер, 9Г сынып оқушылары – Болат Дастан, Мусаперов Назар, Машталенко Демид, 9А сынып оқушылары – Камаладин Бексұлтан, Камбарова Айсана, Сергазинова Анеля, 9Д сынып оқушысы – Маненова Мадина, 8Д сынып оқушысы – Сексенова Камила.

Мектеп формасының қыры-сырынан, қойылатын талаптардан хабардар еткен дефиле жүргізушілері – 9А сынып оқушысы Төлеуғали Нұрдана, 9Е сынып оқушысы, фракция жетекшісі Алдошина Юлия. Осындай пайдалы іс-шараның өтуіне ақпараттық қолдау көрсеткен 9Е сынып оқушысы Ракишева Адинаға да алғыс білдіреміз! Жарайсыздар!