ГИМНАЗИЯ ПАРЛАМЕНТІ ЗИЯНДЫ ƏДЕТТЕРГЕ ҚАРСЫ!

Тəрбие жұмысының басты бағыты - ұлт болашағының денсаулығын назарда ұстау, зиянды əдеттердің алдын алу. Нашақорлық пен вейпингтің алдын алу мақсатында Шəкəрім гимназиясында 8сыныптар параллелі үшін онлайн ата-аналар жиналысы өткізілді.

Өзектілігі зор бұл мəселе Шəкəрім гимназиясы парламентінің де жіті назарында. Жасөспірімдер арасында кеңінен белең алып бара жатқан вейпинг пен синтетикалық есірткіге əуестілік гимназия парламентінің "ҚҰҚЫҚ ПЕН ТƏРТІП" фракциясының жетекшісі, 10В сынып оқушысы СҮЛЕЙМЕН ТОМИРИС пен гимназияның "АДАЛ ҰРПАҚ" клубының жетекшісі 10А сынып оқушысы МҰРАТ ҚҰРАЛАЙДЫ алаңдатып, ата-аналар жиналысында зиянды əдеттердің енді қалыптасып жатқан бала ағзасына қатері мен қауіпін кеңінен ашып көрсетіп берді. Осы маңызды мəселе бойынша ата-аналар қауымдастығына арнайы ақпараттық-танымдық мəліметтерді ұсынған директордың тəрбие жұмысы жөніндегі орынбасары Омарова Б.Қ. ата-аналар жиналысының күн тəртібіндегі сұрақтарды талқылауға қатысқан барлық ата-аналарға алғысын білдіреді. Əр баланың денсаулығы, өмірі, қауіпсіздігі басты назарда!