"ТƏУЕЛСІЗДІК ТІРЕКТЕРІМІЗ" ПАТРИОТТЫҚ КВЕСТІ

Еліміздің əрбір азаматы Тəуелсіздік құндылықтарын биік мəртебе деп біледі. Ол елжандылық, ұлтжандылық жалпы патриоттық сезімдердің қалыптасуынан бастау алады. Əлем əдебиетінде ойып тұрып орын алған қазақтың танымал жазушысы Əзілхан Нұршайықовтың пайымдауынша: "Тəрбие күшімен шындалған патриотизм, қынаптан суырған қылыштай жарқ етіп, Отанға төнген қауіптен қорғайтыны сөзсіз".

Сондай жалындай жарқ ететін жастар Шəкəрім атындағы гимназияда да бар. Гимназияның тəрбие жұмысы жоспарына сəйкес парламент жастары, "ПАТРИОТИЗМ" фракциясының жетекшісі САХИМОВА ЖАНЕЛ жəне АСЫЛБЕК ЯСМИН, ТЕМИРАЛИЕВА ЖАНЕЛ 6-сыныптар параллелінің оұушылары арасында "ТƏУЕЛСІЗДІК ТІРЕГІМІЗ" тақырыбы бойынша патриоттық квест ұйымдастырып өткізді. Патриоттық тақырыпта өрбіген квест барысында əрбір оқушы зияткерлік тапсырмаларлы орындау барысында Отан үшін "шайқаста" жүргендей сезініп, риясыз, бар болмысымен шешуші кезеңге ұмтылды.

Патриоттық квестке қатысушылардың барлығы дерлік тапсырмалардан сүрінбей өтіп, бір-бірін жеңіске жетеледі.

"Жүзден - жүйрік, мыңнан - тұлпар" дегендей, жеңіс тұғырына 6Д сыныбы жетіп, 6Б мен 6Гсыныптары жүлделі орындарға қол жеткізді.

Қасиетті де қастерлі Тəуелсіздігіміз тұғырын берік ұстайтын, сындарлы сағатта тірек бола білетін өрендеріміз өсіп жетіле берсін! Тəуелсіздік мейрамы құтты болсын!