2022 жылдың 13 мамырында Қарағанды қаласы білім бөлімінің ұйымдастыруымен ХХІІІ республикалық «Абай оқулары» байқауының қалалық кезеңі өткізілді. Абай атамыздың мұрасын дәріптеуге бағытталған байқау жыл сайын қала мектептерінің қатысуымен өткізіледі. Байқау алты номинациядан тұрады. Аталған байқауға «Шәкәрім атындағы гимназиясы» КММ оқушылары да қатысып, жүлделі орындарға ие болды. «Өлең – сөздің патшасы, сөз сарасы» номинациясы бойынша 8-сынып оқушысы Каверин Виктор Абай атамыздың 16 өлеңін жатқа айтып, І орынға ие болды. Жетекшісі: Кубекова Қ.Т. «Абайдың қара сөздері» номинациясы бойынша 10-сыныптың оқушысы Тен Полина Абай атамыздың 13 қара сөзін жатқа айтып, І орынға ие болды. Жетекшісі: Кубекова Қ.Т. «Көңілім әнді ұғады» номинациясы бойынша 9-сынып оқушысы Беседина Ульяна қатысып, ІІІ орынға ие болды. Жетекшісі: Кубекова Қ.Т. «Ұлылар әлемі» номинациясы бойынша 9-сынып оқушысы Кривенко Ника қатысып, ІІ орынға ие болды. Жетекшісі: Ахнаева Б.Ж. І орынға ие болған оқушыларымыз облыстық кезеңге жолдама алды. Шәкірттерімізге сәттілік тілейміз!