АТА-АНАЛАР - ЕҢ БІРІНШІ ЖАНАШЫРЛАРЫМЫЗ
Тағы бір қызығы мен шыжығына толы, "тосынсыйлары" мол, аяқасты өзгерістерге ұшырап отырған оқу жылын артта қалдырдық. Биылғы оқу жылы барша адамзатты əбігерге түсірген пандемияға барлық білім ордаларындай төтеп берген Қарағанды қаласы, 93 гимназияның педагогтері мен оқушылары, ата-аналары БІРЛІК пен ЫНТЫМАҚТАСТЫҢ арқасында еңбектеріміздің жемісін көрудеміз. Жалпы республикалық ата-аналар жиналысының күн тəртібінде тұрған өзекті мəселелерді бірігіп талқылап, тұшымды қорытынды жасап, келелі шешім қабылдап, жайдарлы жазға зор ҮМІТ артқан ата-аналар мен педагогтер бауыр еті балалар үшін барлық жағдай жасап, қауіпсіздікке ден қойып, "жаңа оқу жылына аман-есен, төрт көзіміз түгел жетуге жазсын" деп тарқасты. Баршаңызды оқу жылының аяқталуымен шын жүректен құттықтаймыз! Ата-аналар қауымдастығына мың алғыс!
