2020 жылдың 4 ші желтоқсанында Қарағанды қаласы "93 гимназия"КММ "Кәсіпкерлік және бизнес негіздері"пәні мұғалімі Мусабекова Куляш Амангельдиевнаның ұйымдастыруымен Шахтинск қаласы, Шахан кентінің кәсіпкерлер Ассоциациясының президенті Ибкеев Сапар Кашкеновичпен қонақ дәрісі өтті. Атаулы гимназияның 10 сынып оқушыларының қатысуымен болған бұл дәрістің негізгі мақсаты- жеткіншек ұрпаққа кәсіпкерліктің қыр- сырлары мен бизнестің неден, қалай басталатыны жайлы түсінік беру. Дәріс барысында қонағымыз өзінің өмір жолы жайында сөз қозғап, оқушылармен қызу сұхбат жүргізсе, Жамбеков Арсен, Көпбосын Диас, Болатбекова Дарина, және де басқа да оқушылардың қойған қызықты сұрақтары өз жауабын тауып жатты. Сапар Кашкенович кәсіпкерлік бағыт беріп қана қоймай, тәрбиелік мағынасы зор кеңестерін оқушылар бойына дарыта білді. Дәріс соңында оқушыларымыз алғыстарын айтып жатса, қонағымыз батасын беріп, тілек білдірді.