Елімізде өтіп жатқан «ТАЗА ҚАЗАҚСТАН – ТАЗА АЙМАҚ» республикалық акциясына орай, Қарағанды қаласының "№1 гимназия" КММ оқушылары құс ұяларын жасап орнатты.

Оқушылар құс ұяларын «Технология» сабағында мұғалімдердің жетекшілігімен табиғи ағаш қалдықтарын кәдеге жарата отырып, өз қолымен жасады.

Акция аясында оқушылар мектеп ауласына құс ұяларын ағашқа орнатып, табиғатқа қамқорлығын білдірді. Өйткені мұндай жылы әрі қонымды ұялар құстар үшін көктем мезгілінде аса қажет. Осылайша мектеп оқушылары қанатты достарына қамқорлық танытты.