Аса үлкен жылдамдықпен өзгеріп жатқан мына әлемде адам өмір бойы оқуға мәжбүр. Қай ғасырда, қай мемлекетте болмасын, қазіргі ақпараттану заманында да оқу- өз маңыздылығын жоғалтқан емес.Керісінше, үшінші мыңжылдықта оқу сауаттылығының маңызы өте артып, өзектілігін танытып отыр.

Қазақстан дамуының қажеттіліктерінен туындаған қоғамның оқу сауаттылығына қойылатын талаптардың өсуі мен мектеп оқушыларының оқу дағдыларының төменгі деңгейі арасындағы қарама-қайшылықты жеңу үшін №66 мектеп- лицейінде облыстық «Оқу шаттығы » әлеуметтік -педагогикалық жобаны іске асыру бойынша 2015-2016 оқу жылынан бастап жоспарлы түрде жүйелі жұмыстар жүргізді. Жұмыстар өзара тығыз байланысты төрт бағыт бойынша жүргізілді:сабақ барысында кітап оқуды ұйымдастыру, сыныптан тыс жұмыстар, кітапханамен жұмыс және ата-анамен жұмыс.

Жобаны іске асыру бойынша атқарылған жұмыстардың нәтижесі ретінде ақпан айының 16-жұлдызында « Қарағанды қаласының білім бөлімі» ММ әдіскері Г.Б.Жаркееваның ұйымдастыруымен облыстық семинар өткізілді. Семинар барысында «Оқу шаттығы » әлеуметтік -педагогикалық жобасына қатысушы қаламыздың бес мектебі: «№66мектеп –лицейі»КММ, №86 ЖББОМ, №93 гимназиясы, №39гимназиясы, №81 ЖББОМ жобаны іске асыру барысында жинақтаған тәжірибелерімен бөлісті, аталған әлеуметтік жобаның маңыздылығы жайлы сөз қозғалды. Семинар барысында үш жылдық жұмыстың түпкі нәтижесі ретінде көрме ұйымдастырылып, семинарға қатысушылар назарына «Үздік эсселер», «Жас ақындардың шығармашылығы» жинақтары, «Оқырман күнделіктері», «Үздік дәптерлер», шығармалар желісінде салынған оқушылар жұмыстары ұсынылды. Жобаны іске асыру барысында оқушыларымыздың республикалық, облыстық деңгейде алып жатқан жетістіктері аталып өтілді.

Ұйымдастырылған қорытынды семинар аталған жоба бойынша жүзеге асырылып жатқан жұмыстардың дұрыс бағытта жүргізіліп отырғанын және алдағы уақытта да маңыздылығын жоғалтпай, өз жалғасын табатындығын көрсетті.