Бүгін, 17 қаңтар күні «№66 мектеп-лицейі»-де  «Робототехника кабинетінің бастапқы даму кезеңіндегі мүмкіндіктерінің көрсетілімі» атты облыстық семинар өтті.  Семинарға Жаңаарқа, Ағадыр аудандары мен Теміртау қаласынан, КИТК колледжінен оқытушылар қатысты. Бастауыш сынып мұғалімі Мағрипа Балтабаевна 4 а сынып оқушыларының лего жұмыстарынан көрме ұйымдастырды. Семинарда механикалық сумо, траектория, кегельринг, бульдозер, танк, түстерді ажырату, құрылысшы-роботы, роботтарды телефон арқылы басқару бойынша  20 оқушы ат салысып, белсене қатысты. Оқушылардың жұмыстары жоғарғы деңгейде бағаланды. Робототехника пәнінің мұғалімі Мукашева Назира Каппаровна келген қонақтарға семинардың бағдарламасымен, өзінің жұмыс ұйымдастыру ретін таныстырды.  Келген мұғалімдер де өздерінің робототехника пәнінің енгізудегі артықшылықтары мен кемшіліктермен ой-бөлісті. Семинар қорытындысы  оқушыларға алғыс хаттарды табыс етумен аяқталды.