30 қараша 2016 жылы Жалпакбасова Анаргүл Жеңісқызы жетекшілік ететін 3 «Б» сыныбында «Менің тұңғыш Президентім» тақырыбында сынып сағаты өтті.

Мақсаты: Оқушыларға Президентіміз Н. Ә. Назарбаев туралы толық мәлімет беру, сан қырлы талант иесі, құдіретті тұлға екенін таныту. Отанын сүюге, елжандылыққа, елі сүйген Елбасынан үлгі алуға тәрбиелеу.

Сынып сағатының өту барысы: слайд арқылы тұңғыш Президенттің өмірбаянымен таныстырылды. Н. Ә. Назарбаевтің еңбек жолы туралы әңгімеленді. Оқушылар Елбасы туралы жаттаған өлеңдерін оқып, «Тәуелсіздікке 25 жыл» тақырыбына байланысты салған суреттерінен көрме ұйымдастырды.

Сынып сағаты Елбасымыздың «Біз көшпенділердің ұрпағымыз. Ержүрек халықтың жалғасымыз. Мен жастарға сенемін. Әрқашан тұрақтылықты қорғап, бірлікті сақтаңдар» деген сөзімен қорытыланды.