2016жылдың қазан айының 1 жұлдызында   біздің мектебіміздің 40-жылдық мерейтойы және ұстаздар күніне арналған салтанатты шара өткізілді.

№66 орта мектептің директоры Б.Н. Нұрмұханов: «Ұстаздар қауымы тәуелсіз еліміздің жас ұрпағын тәрбиелеп, алға қойған міндеттерді орындау жолында еңбек етуде. Басты мақсатымыз - білім беру сапасын жетілдіру, мұғалімдеріміз де, шәкірттеріміз де білім нәтижесі арқылы алдыңғы қатардан көру»,- деп, барлық ұстаздарды мерекелерімен шын жүректен құттықтап және құрмет грамоталарымен марапаттады.

Концерттік бағдарламаға құрметті қонақтар да шақырылды. Мектепті бітірген түлектер келіп, өз мектебін, мұғалімдерін, педагогикалық қызмет ардагерлерін құттықтап, жақсы тілектерін білдірді. Кездесу кешінде мектеп ұстаздарының қатысуымен  өлеңдер айтылып, тақпақтар оқылды және би биленді.

Мектеп мерейтойына құрметті қонақ ретінде зейнет демалысындағы ардагер ұстаздар және ҚарМУдан құрметті қонақ шақырылды. Білім ұясының 20-ға жуық бұрынғы мұғалімдер  келді. Араларында мектеп ашылған кезден бері қызмет жасаған ұстаздар да бар. Олар мектептің ұстаздар ұжымына, шәкірттерге ізгі тілегін жеткізді. Ардагерлер бүгінгі жағдайға қарап, өздері жұмысқа қайтадан келгісі келетінін жасырмады.

Осы кеш ЖББ №66 мектебінің түлектерінің жүректерінде және қонақтардың, мұғалімдердің естерінде мәңгі қалсын дегіміз келеді.

Барлық ұстаздарды шын жүректен мерекелерімен құттықтаймыз!