Бүгін, 23 сәуірде №66 ЖББОМ-де 0 және 1 сыныптарға арналған ашық есік күні өтті. Мектеп директоры Нурмуханов Бейбит Насибуллаевич ата-аналарға 0 және 1 сыныпқа қабылдау ережесі ,қабылдау құжаттары туралы,  жұмыс ережесі, бағалауы, оқулық, мектеп формасы, тамақтану, қосымша білім беру, яғни үйірмелер мен факультативтер туралы ақпараттарды анық, түсінікті жеткізді. Ата-аналардың сұрақтарына әділ жауап берді. Ашық есік күнінде Қарағанды облысы білім беруді дамытудың оқу-әдістемелік орталығының әдіскері Аринов Есбол Рымбекович "Ғаламтордағы балалардың қауіпсіздігі" атты презентациясымен ата-аналарға ақпарат берді. "Қазақтелеком" орталығының "Ата-ана бақылауы" қызметі туралы және браузердегі балаларының кірген сайттарының тізімін қарауға болытынын, қажетсіз сайттарға тоқтала отырып, ата-ананың бақылауы өте қажет екенін ескертті. Ата-аналарға арналған "Қауіпсіз интернет" атты жаднамалары таратылды.