2015 жылғы 30 қарашадағы Елбасының «ҚАЗАҚСТАН ЖАҢА ЖАҺАНДЫҚ НАҚТЫ АХУАЛДА: ӨСУ, РЕФОРМАЛАР, ДАМУ» тақырыбындағы жаңа жолдауын ата-аналар арасында тарих пәні мұғалімі Оспанова К.М талқылап, пікір алмасты. Жолдауда Елбасының «елімізді экономикалық дағдарыстан қиындықтарға ұрындырмай алып шығудың сара жолдарын айқындап, басым бағыттарын белгілеп бергенін баса көрсеткенін, экономикалық дағдарысты еңсеріп алуға бағыт ұсталатынын, дағдарыстың уақытша екенін, оны еңсерудің жолы қарастырылатынына сендірген сөздерін мысалға келтіріп, әңгіме жүргізілді. Елбасының бүгін еліміз бағыт ұстап отырған «Мәңгілік Ел» болудың нұрлы жолында барша қазақстандықтар жұмылған жұдырықтай қимылдап, ортақ Отанымыздың гүлденуіне үлес қосуы керек деуін ата-аналарға жеткізді. Ата-аналар пікір алмасып, өз ойларын ортаға салды. Ата-аналар Елбасының болашақта қазақстандықтарға, бірлікке сенім артып отырғанын сезінді.